CESSATIO ab opere

CESSATIO ab opere
CESSATIO ab opere
in Feriis Gentilium, praeter sacra, sollennis fuit. Hanc ob rem, in iis imperandis, ut litibus et iurgus abstineretur, per praeconem edici solitum, Cicero testis est, de Divinat. l. 1. Quo respiciens Ovidius, Fastor. l. 1. v. 73. ubi de feriis Calend. Ianuarii agit,
Lite vacent aures, insanaque protinus absint
Iurgia, differ opus livida lingua tuum.
Unde et lIvius, in primis, quae Romae per 8. dies habebantur, lectisterniss, iurgiis ac litibus temperatum dicit, l. 5. c. 13. Quibus verbis iudiciales maxime disceptationes istiusmodi tern pore fuisse prohibitas, nemini non liquet. Praesertim vero Messivis feriis, Vindemialibusque, lites et res iudiciariae apud Veteres forô cessêre. Hinc Iuliô mense, Plin. Iun. l. 8. Ep. 21. Iuliô et Augustô, Seneca Apocolocynth. lites maxime interquievisse, scribunt. Idem tempus Statius innuit, l. 4. Sylv. 4. v. 39.
Certe iam Latiae non miscent iurgia Leges,
Et pacem piger annus habet, messesque reversae
Dimisêre forum, nec iam tibi turba reorum
Vestibulo, querulique rogant exire clientes,
Cessat Centeni moderati iudicis hasta.
Id quod differre vel proferre res vulgo dictum, Senec. de Brev. vitae, c. 7. Tacitus, Annal. l. 2. Seneca ubi supra: cum contra res, denuo agi coeptae, rediisse dicerentur. Plautus Captivis, Actu 1. Sc. 1. v. 17. ubi Parasitus,
Prolatis rebus Parasiti venatiei
Sumus: quando res redierint, Molossici
Odiosicique et multum incommodistici.
Vide Iac. Ouzelium, Animadvers. ad Octavium Minucii Fel. p. 7. et 8. Sed et ab aliis operibus negotiisque non minus cessatum est. Quod testatur Sext. Pomponius, l. 14. Praeciamitatores, inquiens, vel ---- Praeclamitatores dicuntur, qui Flaminibus Diali, Quirinali, Martiali, antecedentes exclamant, Fertis publicus ut homines abstineant se opere, quia his opus facientem videre, irreligiosum est. Et rursum, Praecias dicebant, qui a Flaminibus praemittebantur, ut denuntient opsicibus, Manum abstinerent ab opere. Quapropter, ut etiam Servius adnotat Georgic. l. 1. Pontifices sacrificaturi, praemittere Calatores suos solebant, ut sicubi vidissent Opifices adsidentes, opus fieri prohiberent, ne pro negotio suo et ipsorum oculos et Deorum ceremonias attaminarent: Feriae enim Dorum operae creditae sunt, etc. Vide Tob. Pfannerum, System. Theol. Gentil. purior. c. 2. §. 22. et infra, ubi de Sabbatho, Septimo die, etc.

Hofmann J. Lexicon universale. 1698.

Игры ⚽ Поможем сделать НИР

Look at other dictionaries:

  • SABBATUM — vox a quiete, Hebr. Gap desc: Hebrew deducta, vel septimum diem Gen. c. 2. v. 2. Exod. c. 20. v. 10. vel septimi anni otium, Lev. c. 25. v. 4. 5. 6. denotat. Longior transsatio est, cum ipsam septimanam comprehendit, ut in illo, Ieiuno bis in… …   Hofmann J. Lexicon universale

  • OPUS — I. OPUS puntis, civitas Locrorum Epicnemidiorum, non procul ab Asopo fluvio. Olim Episcopalis sub Archiepiscopo Atheniensi. Strabo, Plin. l. 4. c. 7. Ptolem. Ovid. Ponticor. l. 1. eleg. 3. v.73. Caede puer factâ Patroclus Opunta reliquit. Hinc… …   Hofmann J. Lexicon universale

  • FESTA seu FESTI DIES — FESTA, seu FESTI DIES a feriando dicti, an ex Graeco Ε᾿σία, Vesta, quod ab Hebr. Gap desc: Hebrew et Gap desc: Hebrew, quasi dicas ignem Domino sacrum, quod festis diebus sacrificia offerrentur, quae ignis caelitus delapsus accendebat. Hebraeis… …   Hofmann J. Lexicon universale

  • TUBARUM Festum — unum fuit ex Festis Hebraeorum anniversariis. Apud hos enim Tubarum usus antiquus admodum, tum in contione, et bello, tum in sacris. De contione et bello, sie Moses, Numer. c. 10. v. 2. et seqq. Fac tibi (verba Iehovae ad Mosen) duas tubas… …   Hofmann J. Lexicon universale

Share the article and excerpts

Direct link
… Do a right-click on the link above
and select “Copy Link”